काठमाडौं । डिजिटल प्रविधिको विकास सँगै फराकिलो बन्दै गएको नेपाली सांगीतिक क्षेत्रमा हरेक दिन विभिन्न विधाका गीत संगीतहरु धमाधम सार्वजनिक हुने गति दिनप्रतिदिन बढिरहेको छ ।
केहि समय अघिसम्म निकै साँगुरो स्थानमा रहन बाध्य नेपाली सांगीतिक बजारले अहिले विश्वव्यापी रुपमा आफ्नो सतह बढाउदै गइरहेको छ । विभिन्न विधाका अत्याधिक गीतहरु निरन्तर सार्वजनिक हुँदै गर्दा । सांगीतिक बजारको एउटा बलियो पाटो बनेको प्लेटफर्म युट्यूबमा “मखमली म्हेन्दो गम्सारी ” गीत सार्वजनिक भएको छ । दर्जनौ गीतमा आफ्नो उत्कृष्ट अभिनय प्रस्तुत गर्दै पछिल्लो समय नेपाली सांगीतिक क्षेत्रमा निकै चर्चित बनेकी मोडल सन्जु मोक्तान र भुवन तामाङ,अन्जना थिङ,सुनबिर तामाङ र दिपेश तामाङ को अभिनय रहेको उक्त गीतको भिडियोलाई वाङछु राज वाइवाले निर्देशन गरेका छन भने कविन योन्जनको छायांकन तथा सम्पादन रहेको छ । 
त्यस्तै भिडियोमा जित बहादुर र वाङछु राज वाइवाको शब्द रहेको छ भने कबिन योन्जनले संगीत भरेका छन् । तामाङ सेलो गीतमा वाङछु राज वाइवा र जितु लोप्चनको स्वर रहेको छ । उक्त गीतको म्युजिक भिडियो सङ्स मिडिया नेपाल नामक युट्युव च्यानल मार्फत सार्वजनिक भएको हो ।
पुरा भिडियो हेर्नुहोस:
